Saturday, October 11, 2008

Open House

Hari Raya tahun ani, terasa macam kepayahan jua ku kan mengaga bisidorang kawan-kawanku ke rumah bilang-urang. Biniku sarat betian, Elisa sikit-sikit kan bekipak. Sangal jua tu kan menaiki rumah urang tiap satu. Bukannya sadikit. Kalau termasuk kawan biniku dengan kawanku, mau jua kan sampai 10 buah (yang jadi kemestian untuk di aga). Bunyinya inda pulang banyak, tapi kalau sabuah rumah lepak berhari raya sampai 1 ke 2 jam.... sangal jua punggung tu!

Hari Isnin hari atu, tapikir jua ku macamana caranya aku kan mangurangkan kepayahan ku atu. Ujungnya, alang-alang ramai kawanku sama kawan bini ada di Kuching, bah... ku lagau tia semua (mana-mana yang ampit sampai) berhari raya di rumah ku malam atu. Kediaku sama biniku pun muleh-muleh patang keraja, tarus bemasak spagetti pakai hidangan open house ani. Elisa apa lagi... gagau jua manulong kediaku mengarat tomato.

Inda jua luan ramai yang dapat datang. Antara yang datang :-

  1. Iswandy, Bininya dengan 3 orang anaknya.
  2. Garfield (Foraiza).. bininya inda belaku sebab ada urang datang beraya di rumah.
  3. Apai (Zahiri) confirm datang kalau aku masak spagetti (nyaman katanya).
  4. Adiman (datang pakai kerita Vios barunya... bau cina wooo!!).
  5. Apez dengan Nora (bininya)
  6. Intan (kawan biniku), Sharul (lakinya) dengan anaknya sorang.
Ada jua la dalam 13 orang semuanya datang malam atu. Ada pulang lagi, tapi banyak last minit ada hal. Biasa laa tu, hari raya... mesti ada jelama datang naik kerumah beraya. Inda belaku kan turun beraya...

Iswandy, Apez & Garfield


Siapa indakah ditalipunnya ani. Gagau ya..


Is, Aida & Amy (anaknya bungsu)


Biniku dengan kawan rapatnya Intan

2 comments:

nunau said...

Bila aku nampak gambar si Is sama bininya teringat aku peristiwa aku sama Jake jadi supir durang pigi dating dulu..selamba ja Is kedapatan dibalik tabir! muhahahaha...

Hamidi said...

hahaha baru aku nampak muka kamu semua ni!!!! Selamat Hari Raya!