Tuesday, August 7, 2007

Seharian Mengayau

Hari ani andang kengalehan kediaku bepusing kesana kemari di Kuching ani. Pagi saja aku ke Batu 7 mendangani biniku ke kadai menjahit baju. Kan membuat baju kurung dangan. Kira kan menyampati mengeluarkan usin dari ATM Maybank di sana. Sekali sampai di sana, sebuting nganya mesin ATM nya ani. Jelama bebaris... panjangnya. Malas tah aku kan menunggu tu. Kelanguan tia menunggu batah-batah.

Kediaku pun heran bah, bank Maybank ani bukannya bank damit. Cawangan bank ani di Batu 7 ani bukannya baru. Luan tah batahnya sudah. Dari 7-8 tahun dahulu, sampai karang ani, balum tah ada mesin ATM baru. Lakat lagi 2 buting nganya. Atu pun, sebuting atu malar saja kan rusak. Nama saja bank, patutnya beusin kan meletak mesin atu. Ani inda. Panjang tah barisan urang. Boring eh.

Malas tah ku ingau kan menunggu lagi tu. Baik tah ku chow!

1 comment:

SiLabi said...

heheh..tell me bout it.