Tesurong kediaku kan manulis pasal debat malam tadi dalam blog ku ani. Bukan sebab pasal ada urang kan manyuruh, tapi iski kan manulis apa yang karang ani ku pikirkan pasal debat malam tadi. Banyak pulang urang lain manulis pasal ani, suratkabar, blog, forum, website... macam-macam eh! Asal tasurong mambaca.
Kediaku malas tah kan me"review" pasal malam tadi. Cuma teringin kan manulis pasal apa yang ku liat malam tadi. Ketani inda payahkan meliat siapa Anwar ani. Yang penting, kedia ani memang sudah diketahui andang terer behujah.
Shabery? Antah laa.. tapi palemaingku, mula-mula macam bunyi terer banar bekurapak. Tapi bila sudah setangah jalan, cakapnya macam lain bunyi nya. Bukan atu saja, bibir bawahnya pun macam tekajar-kajar begarak macam urang ketakutan becakap. Salah cakap kah apa??
Pasal isi debat malam tadi, inda payah tah ku cakap panjang-panjang. Tapi kalau pasal gerak-geri dorang dua malam tadi, ku liat DSAI lagi konfiden ku liat. Shabery ujung-ujung macam bunyi urang "frust" atau marah saja. Yang pastinya, Shabery ani lakat lagi rakat bibirannya dalam era zaman 1974... inda trendy laaa (nya kawanku).
Apa-apahal pun, andang siok meliat debat macamiani. Kalau setiap minggu macam ani, AF pun kalah rating mengkali. Paling best... kalau ada main undi SMS siapa manang. Dapat jua dorang kompani telepun untung macam untung AFUNDI. Sudah atu, salurkan usinnya masuk tabung subsidi minyak!!! OK APA!!!
Bah.. alang-alang kan mambuat debat cemiani... aku sokong penuh kalau lain bulan, ketani buat debat Mahathir vs Khairi. AMACAM???? Baru rugged!!! Di samping atu, setiap hari, adakan forum, rancangan talk-show, feed-back atau rancangan ala-ala blog Gangstarz becerita pasal Debat atu. Lagi best, buat siaran dalam channel @15 Astro. Dapat jua urang meng"SMS" feed-back.
Mau lagi best, buat Peraduan Debat Perdana, dari SMS, Radio dengan Online. Pemenang dapat hadiah yang best-best.. macam memenangi pakej lawatan ke bangunan UMNO, MCA, MIC, PKR, DAP dan semua premis parti-parti di Malaysia. Kira paling best, lawatan sambil belajar ke Dewan Rakyat.... mau ka?
2 comments:
ada tu 'keputihan' lagi tu di mulut menteri 'penyerangan' mambari gali! cuma yang sayang inda tayang rtm 1 & 2 yg urang kampung indada astro mana dapat tinguk. Kalau urang kampung tinguk dan digest isi2 debat ada harapan!
gua sokong lu bro..
Post a Comment