Thursday, October 11, 2007

Berusah Hari Raya


Ketupat = Lambang Hari Raya

Setiap kali kan raya, banyak macam tia kan di kerajakan. Mencari barang-barang kan membuat kuih.. kan membuat biskut... eh.. macam-macam lagi kan diungkayahkan. Tapi siok pulang banar. Tapi bila sudah jadi urang tetua ani, inda jua lagi kesiokan. Kanak-kanak siok pulang tu.


Rendang Daging = Makanan ruji Hari Raya

Bila hari sudah dakat banar kan raya ani, makin banyak tia kan di bali. Kan mengunjar daun tia, mengunjar kari, daging, ayam, santan, rampah... macam-macam eh. Kan ku tuliskan di sini, inda jua urang gagau kan membaca list kediaku ani.


Kelupis = Makanan ruji Hari Raya Pertama di Limbang

Selagi ku damit dulu, kalau kan Hari Raya ani, barang masakan ani sudah tia kana sediakan. Tapi piasau balum kana bukai, balum kana parut, rampah sedia balum di giling. Daun di susun balum bekarat. Ayam pun balum baputong. Mana inda, kan menunggu pengumuman Hari Raya. Thrill nyamu. 


Lamang = Makan ruji Hari Raya bagi urang malas kan masak

Tapi karang ani inda tia lagi thrill. Sudah tau bila kan raya. Jadi urang pun gagau sekali nganya, menyadiakan barang sudah beparut, baputong, digiling tinggal kan masak. Gagu tia malam raya semua kan bemasak. Kalau di Kuching ani, nada lain resepinya, selalunya, ayam masak merah, daging masak hitam, rendang daging dangan ketupat. Lamang, membali tah nganya. Malas tah urang kan mengerajakan. Tapi di rumah Mama, masak pulang kedia tu Kelupis. Best.. best!


Yang mana bisai pakai Raya ani?

Urang kan raya ani macam-macam kan di bali pakai hidangan. Elisa punya plan beraya lain sedikit. Kan membali barang hiasan dirinya. Ku bawa ke kadai, bahagian ani tah jadi kesukaan.


Warna Amas bisai ka, atau yang hitam ani?

Abis semua di pisi-pisinya. Apa indakah diunjar nya. Malas jua ku kan menagurkan. Ditagur pun, mengantol nganya tu.


Inda tah jadi membali ani. Mahal harganya!! Inda cukup usin ku!

Aku pun inda tau apakan di mau nya. Diambil nya, lapas atu di taruhnya bebalik. Antam saja tah... Elisa punya plan Raya.

6 comments:

Anonymous said...

selamat hari raya, maaf zahir & batin...

Anonymous said...

aku rindu kelupis,Kuching ada jual sik sini tempat paling best? Kelupis ala Limbang--formerly Limbang Boy

ps lama tak dengar cerita u-apa kenak?

HERMZZ said...

Sori geng! Busy lately. But I am back now... Bah, mari tah..! Alum ku kelanguan ni.

silabi said...

selamat hari raya geng! maaf zahir n batin. Kiim salam ah famili mu. kami raya hari jumat, awal sehai dr malaysia.anyways, salam aidilfitri dr kami sekeluarga.

Anonymous said...

Beraya Limbang atau Kuching pok. Kalau di Limbang jangan lupa ambik gambar banyak-banyak -- formerly Limbang Boy.

Anonymous said...

Assalamualaikum wbt,

Please visit a truly Kedayan blog at http://itsurday.blogspot.com/

Taima kasih. Wassalam