Makan

Everytime my friends came from Semenanjung to Kuching asked me this question :-

Friend : Kat sini, apa makanan best eh?

Aku : Apa kau nak makan? Kau cakap je.. (my usual feedback)

To be honest, I am not sure where is the best place to go for food in Kuching. Its not that there is none, but when we talk about food, especially for those who are not local, you need to impress them, not just the taste, but the ambience as well. In respect of type of food, ah well, its predictable. Being not from Sarawak, surely they want to eat the famous Mee Kolok, Laksa Sarawak, Ikan Terubok, Ambal and many more.

Friend : Mee Kolok paling best kat sini kat mana?

Hahaha! This is the usual question being posed to me. Even if I tell them where is it, definitely they wont know. But actually, I dont know too. To me, all Mee Kolok are the same. The only different is either not tasty or normal one. Thats all. But to say its delicious or what-not, I may reserve my comment.

However its different for Laksa Sarawak. I know where can I find a good and delicious one. For normal Sarawakian style, the good and tasty Laksa can be found in Chinese like restaurant. Dont worry, though its own my non-muslim, but the operator or the stall selling the Laksa is own my muslim. But hey, for Semenanjung people, they hardly can differentiate Sarawakian's faces. Most of malays looks like chinese too.

Sungkai Di Restoran

Kediaku inda jua berapa minat kan sungkai di kadai ani. Misti tah ku tebayang kan panuh sasak kadai makan sama batah sampai makanannya. Tapi lain pulang ceritanya sabtu sama hari minggu kelemarin. Macam sanang saja sungkai di kadai karang ani.

HARI SABTU

Asalnya kan membawa Elisa sama Mamanya ke kadai mengayau jalan-jalan. Daripada guring limpang di rumah baik tah bejalan meliat apakah kan dibali pakai raya tahun ani. Alang-alang bejalan, kan ku bawa bisidorang sungkai di luar saja. Ku bawa ke Singapore Chicken Rice di Batu 3. Batah ku mangunjar parking karita. Sampai badok sungkai, baru tah balurih.

Masuk saja kadai makan, tarus dapat seat. Kami order makanan, inda sampai 5 minit, sampai tia semua!!! Atu baru ya...n Tekajut ku eh! Bagus pulang daripada manunggu dalam kadai dari pukul 6pm, nuhun kan makan makanan atas mija layah-layah!

HARI MINGGU

Ku bawa Elisa sama Mamanya ke The Spring. Macam biasa mengayau, lapas atu, tinggal 10 minit lagi kan sungkai, ku bawa ke kadai Kenny Rogers. Tekajut ku lagi!! Mana inda, inda bejelama. Sanang ni eh!

Sambil manunggu baduk sungkai, kediaku mendangar radio pakai ear-phone handphone ku. Anggur ku mendangar radio :-

Elisa : Ma... mintak susu?

Mamanya : Nah... (sambil mangunjuki butul nenennya)

Cun masa Elisa mambuka tudung butul nenennya, masuk sudah waktu sungkai.

Elisa : Kenak Pa? Udah ka?

Aku : Huh?? (Macam urang tetua saja kedia ani. Macam tah puasa!!) Aok.. udah!

Baru tah kedia manuntum butul nenennya. Macam tau-tau saja waktu sungkai. Inda puasa pun buat-buat macam puasa.... cali jua ah...!

Nyaman Jua Straw Plastik Atu???

New Strait Times 29th Februari, 2008

Cerita ani cerita lama. Masa ku di KL dulu pun ada sudah cerita ani. Sampai karang ani alum dapat tau kesahihan cerita ani lagi. Semuanya gosip sama dangar cakap-cakap jelama lain nganya. Asalnya cerita ani datang pasal bawang gureng yang kana bungkus pakai urang bedagang kadai makan di KL.

Kata urang (antah siapa yang madahkan), bawang gureng yang kana pakai untuk menambah perisa masakan atu kana campuri sadikit straw-straw plastik. Inda banyak... tapi pakai menambahkan ketahanannya. Kata urang lagi, ada sabuah kilang mambuat dan mambungkus bawang gureng ani, banyak meng"order" straw baguni-guni. yang jadi kamusykilan, kenapanya straw banyak-banyak atu?

Atas sabab anitah dorang buat rumours madahkan bawang gureng yang kana bungkus atu ada campur sadikit straw plastik atu. Kan madahkan cerita atu banar atau inda, inda pulang ku tatulus tu lagi. Sababnya, urang yang madahkan atu pun dapat tau dari urang yang tau dari urang lain yang dapat tau dari urang lain yang madahkan dapat tau dari urang yang dorang pun inda tau dari mana asal usul cerita atu (inda masuk akal)??

Tapi, apa-apahal pun, aku bukan madahkan aku pecaya atau inda. Cuma ani sebagai perhatian urang lain supaya berjaga-jaga membali barang makanan kunyah-kunyahan ani. Lagi bagus bemasak di rumah saja. (Atleast dapat mamilih straw mana yang nyaman di makan... hahaha!!)

Mengunjar Makan Di Kuching

Pasal makan ani selalu aku dangan biniku tefikir dimana lagi di Kuching ani tampat best makan. Kalau masa makan tangahari, selalu jadi masaalah. Mana inda, bila ku tanyakan biniku dimana kan makan, selalunya jawapnya "Mana-mana ajak". Ani tah yang selalu paning befikir... indakan balik-balik ke tampat kami selalu makan. Bukan apa, mau jua ketani ani betukar selera kan....

Aku selalu membawa biniku ke Didi restoran di Satok. Inda jualah kan di padahakan paling nyaman, tapi makanannya banyak choice. Kadai ani mengidang cara buffet nyamu. Macam-macam ada. Sabut saja makanan yang biasa ada di Kuching ani, selalunya semua ada. Nganya jadi masalah kediaku ani, bila sampai di dapan kaunter kan memilih makanan, palak-palak saja mata ku meliat inda tau kan memilih yang mana satu kan ku makan. Kan ambil banyak... inda temakan saja karang (jangan temaha!!).

Aku ingat lagi selagiku damit dulu, asal makan tangahari, ada tia mama (mun inda mulah nini bini) mengarek menyuruh makan. Antahlah, asal kanak-kanak ani, payah tah disuruh makan. Belusiran tia sana sini betapok... takut kana marahi. Ada jua masanya mulah nini laki mangarek kan makan, be-uyungan tah kami (sama dangan pupu-pupu ku yang lain) kan betapok, takut kana marahi inda mau makan. Antahlah, apakah yang difikirkan masa atu sampai inda makan. Kan kata kanyang, inda jua. Sampai karang ani pun aku inda paham.

Yang calinya, karang ani bila dah tua, asal kelaparan saja, indakan tetunggu kan makan. Anitah yang sebanarnya kan ku ceritakan. Malam tadi aku kelaparan. Sehari-hari aku inda makan. Jangan kata breakfast, lunch pun aku inda makan. Inda sampat, keraja betimbun. Jadi bila sampai malam... sakit parut kelaparan.

Jadi Malam tadi kubawa peranakku makan di Arif Cafe. Andang bejurit urang disana. Kan cari paking pun payah. Atu semua inda jadi masaalah. Parut sudah lapar kan makan sup tulang Arif Cafe. Banyak urang Kuching inda tau, sup-sup di jual di kadai Arif Cafe ani andang nyamaaaaaaan banar nyamu!!! Kalau urang semenanjung madahakan... kaw-kaw!

Bukan atu saja, kadai ani ada "Wifi Access" free!!! Kawanku Yuri, tuan kadai Arif yang masang. 

Yuri: "sikda hal pasang free. Mun sapa-sapa nak makey, pakey jak la". 

Best jua tu..! Free nyamu!! Mana lagi kan dapat barang free cam ani? Tapikan, mun ditanya kediaku, aku suka lagi "makan free"... hihihi.