Handphone-handphone ku!

Alum jua batah aku tedapat HP sendiri ani. Masa musim balajar dulu inda kan tebali nyamu HP ani. Mahal hantap! Ingat lagi ku tahun 1998, kediaku baru kan mambali HP sendiri. Pegi ku ke Sungei Wang, KL, tarus tah sana ku mambali Nokia 5110 sama numbor talipon prepaid semua sekali harga RM800. Abis tarus usin ku!!

Macam ani tah rupanya talipon ku Nokia 5110

Tahun 2000, ada tia kawan ku kan menjual talipun Ericsson nya arahku. Katanya inda lagi kedia baguna. Ku bali tia dangan harga RM200. Talipun lama ku, ku bari arah bini ku. Zaman atu Ericsson keluar model baru T28, ada flip!!!

Anitah rupanya talipun Ericsson DH618 yang ku bali dari kawan ku.

Tahun 2002 kediaku mambali talipun baru lagi pasal talipun Ericsson ku atu rusak tia. Sampai jua kediaku ke Indah Parade dakat dangan Bukit Jalil, mambali talipun Sagem ani. Inda pulang mahal, RM180 nganya! Baik jua dari inda tedapat.

Talipun Sagem harga RM180 ku bali tahun 2002

Muleh ku ke Kuching tahun 2003, ada labih usin sadikit, ku balikan 2 buting talipun secondhand. Satu Kyocera, satu lagi Samsung. Semuanya dalam RM250 nganya.

Talipun Kyocera

Talipun Kyocera anitah yang paling ku minat. Sampai karang ani lakat lagi ku minat. Bukan apa, talipun ani macam barang mainan nganya. Screen Saver nya pun ada animation macam digimon. Cali bah! Ringan lagi tu. Tapi, charger nya rusak, inda lagi kajumpahan bejual. Rusak macam atu nganya tia. 

Samsung SGH-R225

Samsung ani jua antara yang paling ku suka. Bukan apa, lampungnya warna biru .. TARAAAANG nyamu! Badannya sungguh nya pun damit, tapi barat. Tahan jua talipun ani. Tapi sampai tahun 2004, adiku madahkan inda dapat di charge lagi. Kan diusai, mahal saja.

Tahun 2005 kediaku mambali talipun baru lagi. Kali ani Sony Ericsson (inda tah ku ingat model apa). Abis ku unjar dalam internet, inda kajumpahan. Damit nganya talipun atu, warna putih. RM600 ku bali. Tapi umurnya inda sampai 6 bulan sabab rusak antenna nya. Kalau kan di usai, nya cina kadai, mahal!! 

Sony Ericsson Z200

Uleh karna aku inda tedapat talipun lagi, tepaksa jua ku mambali baru. Tahun 2005 kediaku mambali talipun Sony Ericsson lagi Z200. Inda ku ingat harganya. Kalau inda silap RM700. Anitah talipun flip pertama ku. Siok jua talipun ani, ada dual-screen. Cukup setahun pandai tia mati-mati sendiri. Inda tahan ku jual eh.

Nokia 6260

Tahun 2006, kediaku mambali lagi talipun. Kali ani Nokia 6260. Mahal jua talipun ani. RM1,000 harganya. Talipun ani tahan pulang. Lakat lagi sampai karang ani hidupnya. Cuma yang ku inda tahan, Symbian nya (OS nya) slow banar. Kan mambuat apa-apa pun slow.

Sony Ericsson W850i

Inda tahan dangan Nokia atu, ujung tahun 2006 kediaku mambali lagi talipun. Kali ani Sony Ericsson W850i harganya RM1,500. Kediaku minat talipun ani pasal hampir semua features ada. Ada 1gb memory, ada 3g, ada Camera 2mp.. sama buleh jadi walkman. Siok eh! 

Tapi umurnya pun inda jua luan panjang. Awal tahun ani, talipun ani mambuat hal. Pandai inda mau kana charge lagi. Oleh sebab inda dapat di pakai, terpaksa mambali talipun lagi. Nasib ada urang kan manjuali talipun harga murah. Kali ani Nokia N-82 kediaku mambali harga RM500 nganya (first hand geng!).

Nokia N82 series

Siok pulang talipun ani. Semua ada. Ada 3g, ada 5mp camera, ada Wifi.. sabut saja apa-apa, semua ada. Bukan aku kan mambali talipun ani, ani nganya stocknya kan dijuali harga RM500. Kan mambali yang lain, semua mahal. Sakajap nganya ku makai talipun ani. Mula pakai awal Mac, 2008. 

Bah, uleh kerana aku sudah ada N82, ku hantar Sony Ericsson W850i ku ke kadai kan di usai. Tapi lapas pikir-pikir, baik tah ku trade-in saja. Malas tah kan mangaluarkan usin lagi. Tarus ku ka kadai, ku tukarkan ke Sony Ericsson W200i. Kana bari usin RM80 lagi!

Sony Ericsson W200i

Siok ku dangan talipun ani. Sudah tia damit, bisai lagi color nya. Cukup tah Memory 128mb, setakat atu pun banyak sudah lagu buleh di dangar jadi walkman nya. Yang bagusnya, talipun ani andang tahan baterinya. Sampai 3 hari standby, lakat lagi berisi baterinya.

Masa kediaku makai Nokia N82 atu, malar saja ku kejumpahan talipun ani pandai crash, pandai hang dan mati sendiri. Ani tah yang ku malas. Lapas ku buat research sedikit, rupanya symbian untuk Nokia ani memang mudah crash saja. Inda tahan, malar saja hang. Oleh sebab kediaku inda tahan lagi, 2 minggu lapas ku trade in kan N82 ku dengan Sony Ericsson lagi. Kali ani ku pilih P1i.

Sony Ericsson P1i

Inda pulang ku tahu berapa harga Sony Ericsson ani, tapi cina kadai sanggup mengambil N82 ku ganti dangan P1i ani set baru sama kedia lagi mambari usin arahku RM120. Siok jua ah... dah la mambali N82 RM500.. lapas atu trade-in dengan P1i kana bari usin lagi RM120!! Kalau macam atu dalam perkiraan ku, kediaku mambali Sony Ericsson P1i ani nganya RM380.. hahahaha best! best!

Apa yang sioknya P1i? Banyak eh. Ada wifi, ada 1gb memory, ada camera 3.2mp, ada 3g, ada office, ada music player, touch screen. Memang ala-ala PDA. Memang lengkap semua macam laptop damit. Lapas ku format, karang ani jalannya macam laptop biasa pulang. Inda payah lagi mambawa laptop kesana kemari. Email, internet sama messenger pun buleh! Jadi senantiasa connected  sama internet la.

Tapi kan, yang sebanarnya kediaku ani iski kan mambali iPhone. Karang ani inda pulang mahal. Dalam harga RM1,500 buleh dapat sudah. Ada wifi, da 8gb memory, ada browser.. memang macam laptop Apple. Tapi yang inda bestnya, inda ada 3g. Jadi kegunaannya memang limited. Jadi macam iPod sajalah jadinya.

Apple Iphone

Apa-apa talipun pun, mana saja tia. Tapi yang penting pandai manggunakan. Kediaku suka Sony Ericsson pasal kedia inda dapat kana virus. Nokia malar saja kana. Lagi pun design Sony Ericsson karang ani banyak yang bisai-bisai.