Filem 2008

The Jumper

10,000 B.C

Filem-filem ani antara yang ingin ku liat tahun 2008 ani. Ada pulang lagi.. tapi trailer nya balum lagi keluar. Bah.. sama-sama tah ketani meliat karang!

IT Fusion (Apple Authorised Resellers)

www.itfusion.com.my

Ramai urang inda tau di Kuching ani banyak sudah urang makai komputer Apple atau Macintosh ani. Masih jua urang lakat lagi ingar, apakan komputer Apple ani? Banyak jua yang inda tau yang komputer Apple ani lain "operating system" nya. Bukan pakai "Windows" nyamu... jangan inda tau. Tapi bukan ani yang ku ingin ceritakan. Kalau biskita kan tau banar-banar apa sabanarnya Apple ani.. bah selajur kan bejalan-jalan di Kuching, singgah tah ke IT Fusion di belakang HSBC nganya. Inda sasat tu.

Hmmm.. apa bestnya IT Fusion? Sanang cerita lah. Bisi dorang karaja di sana andang banar-banar "expert" bukan setakat Apple saja, tapi komputer biasa jua. Kalau kan bacerita pasal "Windows" dangan Apple ani, bisi dorang ani tah yang ku rasa pemandai. Bukan setakat atu jua, Dorang ani pandai madahkan barang apa yang biskita perlukan mangikut budget usin biskita la. Dorang akan madahkan apa yang terbaik, mana yang perlu & mana yang inda perlu menagikut kesesuaian dan keperluan biskita. Bukan macam kadai komputer lain... main jual saja asal dapat di jual.

Pasal "Service after Sale"? Jangan biskita susah hati. Dorang andang sentiasa cuba menulung. Mana-mana siapa yang membali barang dari IT Fusion, gerenti dorang ani akan menulung kalau ada apa-apa masalah, percuma. Kadai lain??? Malas tah ku ingau kan madahkan. Abis saja usin!!

Apa ada di kadainya atu? Sebanarnya, hampir semua barang Apple ada di sana. Sabut saja macam, iMac, Mac Pro, Mac Mini, MacBook, MacBook Pro dan macam-macam lagi. iPod??? Mestilah batimbun.. layah-layah sana sini. Yang lagi best, bisi dorang ani pun andang makai iPhone jadi handphone bisi dorang.. padahal iPhone balum lagi masuk ke pasaran Asia. Dorang sudah makai.

Operating System baru Apple

Apa product baru Apple? Setakat ani barangnya masih lakat lagi sama. Cuma yang terbaru kedia punya "Operating System" Apple baru lah. Mac OS X Leopard. Kalau kan cerita panjang pasal ani, kurasa inda cukup kan manulis di sini. Kalau kan tau, google saja. Mun inda, singgahi tia IT Fusion atu dan meliat tah biskita sendiri apa yang best nya. Aku gerenti, kalau datang meliat sendiri, inda lagi kali biskita suka meliat Window XP atau pun Vista!!

Aku pun batah sudah inda menyampati singgah ke IT Fusion ani. Karang ada masa, ada tu ku ke sana.

Selamat Hari Raya & Tahun Baru 2008

Kediaku beraya korban di rumah batu 12. Bemalam di sana mambawa Elisa sekali. Kesiokan si Elisa mengelingai baby. Nama baby baru adi ku, Aireen Humairah (harap-harap lurus ku eja ani). Tapi si Elisa melagau Baby Anis. Antah, kenapa tia melagau nama atu.

Hari Raya sudah lapas, tahun baru pun sudah lapas. Inda kisah tu... SELAMAT TAHUN BARU 2008